影片
更多
2024-11-09
1289 浏览
大家冇睇👀错条题，我亦冇表达错。话说，我系响d拉面关注群组睇返来，知道佢都系做博多风拉面🍜因为我个女好钟意食猪骨汤拉面，所以即使响上环咁远我都衬weekend带个女来拍住拖一战。《招牌熊🧸拉面🍜》未讲碗面本身，先讲讲点解我会认为佢用心经营。我留意到呢间店，有别于一般博多风拉面点，佢会比顾客自由选择面嘅粗度，同埋叉烧嘅种类，如下图。而且，唔单止比你拣咁简单，仲图文并茂咁提供资讯，你想知又好，唔想知都好，我认为知多d，点都系醒d。再加上，佢有芽菜同高菜比你无限添加，有得拣，先至系老板，咁啱两款蔬菜我都系钟意食，呢下未食碗面，个印象分先加左。香味 (1/5) - 碗面一到，睇个相头，同我一闻落去，我其实心中有数，知道呢碗嘅大概去到咩级数。香味真系欠奉，而且个猪骨汤，百份之二百系业务用嘅现成野，所以就算斋闻个汤，都觉得佢个猪骨味假假地，唔系自己用新鲜猪骨淆嘅骨汤。汤 (2/5) - 同上，业务用嘅现成汤，去到我口中，我好难比得落一个正常嘅分数。不过咁，我本身认为，现成野同好唔好味，都颇系两回事，而呢个汤个味道其实都几好味（似杯面d汤），而且热度，浓度，䶢度都够好。我认为 2 分算持平。汤上面有
《招牌熊🧸拉面🍜》
招牌熊🧸拉面🍜
$95
39 浏览
0 赞好
0 留言
未讲碗面本身，先讲讲点解我会认为佢用心经营。我留意到呢间店，有别于一般博多风拉面点，佢会比顾客自由选择面嘅粗度，同埋叉烧嘅种类，如下图。
而且，唔单止比你拣咁简单，仲图文并茂咁提供资讯，你想知又好，唔想知都好，我认为知多d，点都系醒d。
再加上，佢有芽菜同高菜比你无限添加，有得拣，先至系老板，咁啱两款蔬菜我都系钟意食，呢下未食碗面，个印象分先加左。
香味 (1/5) - 碗面一到，睇个相头，同我一闻落去，我其实心中有数，知道呢碗嘅大概去到咩级数。香味真系欠奉，而且个猪骨汤，百份之二百系业务用嘅现成野，所以就算斋闻个汤，都觉得佢个猪骨味假假地，唔系自己用新鲜猪骨淆嘅骨汤。
汤 (2/5) - 同上，业务用嘅现成汤，去到我口中，我好难比得落一个正常嘅分数。不过咁，我本身认为，现成野同好唔好味，都颇系两回事，而呢个汤个味道其实都几好味（似杯面d汤），而且热度，浓度，䶢度都够好。我认为 2 分算持平。
汤上面有加左佢话系秘制酱嘅酱料，不过讲真，食落，佢近乎系冇存在感，我食第二啖起计，我已经忘记左佢，直到睇返相先记起返佢。
面条 (3/5) - 我选择左要细面，同硬面，咁佢呈现出来嘅效果都属于正常水准。面味，口感，色泽，型态，乜野都系正正常常。
配料 (2.5/5) - 猪叉烧，非常一般。肉质偏硬，肉味普通。我系拣左佢最瘦嘅叉烧选项：梅头瘦叉烧，我估佢用左猪里脊，但冇处理好。肉瘦同肉韧，都可以系两回事，我食过好多店 d 叉烧，既瘦，又嫩，又甘香，呢道完全系唔得。
溏心蛋就真系可以一赞。虽然佢唔系调味调到好入味𠮶种，但个蛋无论系质感，蛋香，生熟度，我认为都系一流。同埋呢，我见到个厨，有刻意放一放个蛋落去热水道稍为加热先，令到个蛋入口仲系热热地，但流心效果还在，呢个心机我系有放在眼内。
木耳丝，就正正常常啦。
因为个汤系现成味道，层次系薄弱，我食左一半之后，加左都颇多高菜落去个面道，出奇地又几夹，味道层次 up 左一级。
另外，讲一讲饺子🥟。饺子就真系有数围，都几好食。有别于一般日式饺子，佢比较大只同足料，价钱都算合理，我认为系值得试嘅。
熊自家制饺子🥟
$48
0 浏览
0 赞好
0 留言
整体 - 不推荐。不过，基于间店比到我嘅感觉系，有响其他范畴用心经营，职员都好有礼貌，所以一试系无妨，但大前提系你唔抗拒比一旧水食个杯面级数嘅汤。
张贴
