鳥山。商號 (已結業)

假期难得约到好耐冇见嘅中同师姐聚一聚，就嚟到呢间木系小清新嘅cafe倾偈catch up下～Cafe走简约文青风，除左望住咖啡师嘅bar台、仲有高台、矮餐桌同榻榻米，墙身挂满介绍踩单车出走台湾路线嘅展览，仲有可以比客人当souvenir推广台湾旅游嘅postcard，搞到我地极怀念可以去台湾旅行嘅日子～咖啡选择有好多，我地order左有趣的咖啡系列嘅crispy caramel cappuccino 同 house-blend dirty。甜品都超吸引，叫左台中大甲芋泥卷，期间限定嘅茉莉青葡萄乳酪蛋糕同十胜红豆大白兔卷蛋。芋泥卷散发著浓浓嘅台湾气息，茉莉青葡萄乳酪蛋糕好fresh唔会好heavy。个人大爱十胜红豆大白兔卷蛋，大白兔糖简直系儿时嘅回忆！谁是卤肉饭最够gimmick～有真卤肉饭，又有以假乱真嘅甜品伪卤肉饭，一次满足两个愿望！卤肉嘅精髓系软绵绵入口即融，而呢个真卤肉饭就做到！甜品卤肉饭系扮成卤肉嘅金钻凤梨蛋糕伴焦糖凤梨酱，加扮成饭嘅脆米粒，几得意～店主们用心经营，加入创新/人性化嘅新元素，我地去cafe个日咁啱遇上佢嘅「一日店长」计划，系店主们邀请好友兼旅游达人到cafe体验