Co-Dining Space (已結業)

今日有朋友介绍嚟呢间餐厅，上到去觉得地方整洁，不过地方唔大，一眼睇晒，好彩我地预先订左位，如果唔系都未必有位。虽然我地订左位，但由于早到左，所以未能安排坐窗边梳化位，只可坐Bar枱。不过Bar枱都唔错，枱下面放左个大箩可以比客人放袋，好似我咁成日钟意孭住个大背囊出街都冇问题，好容易就放到落去啦。拣完嘢食好快就嚟到，唔洗等好耐。啲侍应都好好人，虽然见到佢哋好忙，但系对每一个客人都系好有礼貌。烟三文鱼凯撤沙律 $78我最爱既烟三文鱼呀，正~西班牙黑毛猪串烧配甜蕃薯条 $168D黑毛猪食起上黎味道有D似牛扒，不过真系好好味。啲幼薯条系用甜蕃薯切成嘅，既好味又特别。美国有机大啡杂菌意大利饭 $118大啡菇真系好大只，上面仲装住少少汤同埋芝士碎。热榛子咖啡 $32 、热榛子牛奶 $32榛子牛奶睇落去就好似一杯热鲜奶，饮落去就有淡淡既榛子味同埋奶香沟埋。** 咁啱我去𠮶日坐窗边𠮶三张枱嘅人都系庆祝生日，我见佢哋放左件cake 𠮶只碟都有写住happy birthday，但系我就冇问到系咪生日会有嘢送呢。如果你哋都系生日嘅话可以预早打去问下嘅。