飯先生

营业中

休息中

大角咀又有新店啦！呢间主要做外卖，主打多款特色系列，包括兰王酱油渍、外卖便当、和风滑蛋丼饭、日式咖喱丼饭、鲣鱼汤乌冬、关东煮同小食，价钱亲民，值得一试。老细推介兰王酱油渍牛肉饭，120G嘅牛腹肉配上珍珠米，牛肉嫩滑多汁，饭软糯可口，酱汁甜甜哋，另外附上兰王酱油渍蛋黄同紫菜，捞埋一齐啱啱好，性价比高。关东煮亦系另一大招牌菜式，八贯包含大根、油扬、魔芋、黑蒟蒻、蔬菜鱼饼、豆乳鱼蛋、竹轮同温泉蛋。汤底清甜可口，配料煮至入味，如果加埋乌冬应该会几match。小食方面要咗个虾多士，六小块一口一粒，炸至金黄酥脆，唔错。