奔咪

营业中

休息中

如果我喺上环返工，应该会成日来呢间以外卖为主嘅越式法包店☺️起初俾法包嘅 size 吓亲，怕自己食唔晒所以请店主帮手切一半，方便稍后带走，点知好食到我逐啲逐啲食晒啦😆 尤其法包本身香脆又容易咬开 (我食过好多都系硬崩崩😅)，店主表示因为佢有刻意挑选过👍🏻 法包里面有新鲜蔬菜、扎肉同肝酱，既健康又滋味😋而罗宋汤同新出嘅香茅青柠铁观音茶都系值得一赞👍🏻 罗宋汤好绵滑，每一啖都感受到有足料嘅蔬菜但又唔过酸、青柠茶嘅茶好香而且好清甜，好钟意💚呢度仲有供应其他包类、三文治同沙律。店主友善健谈，会亲手制造唔同款式嘅蛋糕，亦会接到会、散水饼等订单，系用心经营嘅小店☺️