MEMOIR (已結業)

星期四系老公正日生日，我带左佢去铜锣湾MEMOIR庆祝，食完真心推介俾所有烦恼紧去边间餐厅庆祝既人。我地叫左两个lunch set，再加小食同甜品。精选餐汤系南瓜汤，入口绵滑，味道浓郁，好好饮。杂菜沙律加左唔少芝麻酱，沙律菜新鲜。芥末汁带子意粉意粉好creamy，带子厚肉而且好嫩又弹牙，好好食。香煎澳洲10oz西冷扒配韩式烧肉汁 西冷扒几厚身，叫左五成熟，煎得好香口，充满肉汁，伴碟既紫菜味薯条都好脆身，好抵食。吉列牛肉薯饼热辣辣好正，馅料软绵绵，香脆可口，必食。饮品叫左冻咖啡同热咖啡。我之前已经同餐厅讲定今日系老公生日，餐厅话会有特别安排，结果超级惊喜，好有心，超抵赞。生日除左有生日牌、蜡烛呢啲基本野之外，估唔到仲有即影即有、生日卡送，最意想不到系送花，好感谢餐厅俾我地体验到甘难忘既生日餐。生日既甜品摆盘好有心思，真心好靓。French Cake咖啡味同朱古力平衡得好好，一层一层令到口感好丰富，好味道。Earl Grey Panna Cotta质地好绵滑，伯爵茶好出，伯爵茶控一定好钟意。