美美小廚

营业中

休息中

今日终于都早起，的起心肝去拜访吓呢间一直都想帮衬嘅小店。先前听朋友介绍过，但佢地开早，好似收下昼三点，对我呢啲夜鬼黎讲，确实高难度去帮衬。朝早十点零入到舖，当其他客人都仲系食紧早餐嘅时候，店员问我想食乜，我直接话想食鱼！佢话要等20分钟，无问题。心里暗喜，即系即蒸啦。想食好野，除咗厨艺之外，都贵乎系新鲜。叫咗出面食店少有得食嘅蒸一夜干马友，鲜呀！果种久违嘅咸鲜味，实在令人感动。上面舖咗少少姜蓉吊味，简直锦上添花呀。听到隔离几台食食吓都问叫攞啲辣椒酱，都好奇想试吓，点解台台都问。我系好钟意食辣；但食蒸鱼落辣觉得有啲嘥咗。最后都忍唔住𢳂咗一羹落去碗饭度，都好味㖞。味有啲特别，好似泰国黄辣椒同少少蒜头，同市面一般泰式或潮式唔同；同埋够辣。