樂樂冰室

营业中

休息中

上水呢几条街都好多开左好多年嘅冰室，今日就揾左呢间乐乐冰室试下。午餐时间，都真系好多人，甚至门口都有人等紧位，睇嚟应该都几好食。一坐低店员就介绍食焗猪扒饭，望下餐牌见到写住自家制鲜茄酱仲要用水牛芝士，于是就决定要佢啦，份量虽然唔算好大份，猪扒已经切件而且都好大块，个鲜茄酱岩岩好唔会太酸亦都唔会太甜，芝士味真系够香，仲要可以拉丝，仲要炒饭底，真系无敌。而男朋友就叫左鲜牛通粉+煎熟蛋餐肉再加奶酱多，个煎蛋真系好食蛋香味浓仲要有2只份量。鲜牛亦都唔会韧，出色。见到佢嘅奶酱多，都好想试下西多，不过听到隔离台叫个阵话厨房忙所以唔接住单，下次一定要再嚟试试先得。