Tea Express Bar by Jrink (已搬遷) 新店位置

而家无乜必要就唔好出门啦，但如果你好似我咁不幸要继续返工，请帮衬下附近嘅黄店。今次介绍呢间茶饮店告急中，舖面摆满贴纸文宣，罢工义卖捐钱学生优惠样样做齐，希望佢可以挨到落去啦。.
抹茶芝士丸丸：呢款系招牌饮品，芝士奶盖咸香，唔会轻易同茶底混合，亦唔算太厚太腻。抹茶拿铁用上静冈抹茶粉，以苦涩味为主导，回甘不太明显，但同奶盖几夹。抹茶粉份量极多，见到店员好用心打散茶粉，可惜饮到最尾依然有茶粉结块嘅情况。白玉质地较黏，难用饮管吸起，尚算有咬口。