Plato Cafe & Bistro (吳松街)

自从油麻地分店关门之后，好耐都无食过，终于有时间去食另一分店😆未入门口就见到MC(装饰)，有一刻以为佢做咗餐厅代言人😂今日比较肚饿，所以懒得谂太多就叫咗个二人餐。先上是日餐汤蘑菇汤，系记忆中自家制蘑菇汤嘅味道，唔系坊间有啲只会饮到忌廉或奶味，证明足够真材实料制作😋跟餐饮品除咗一般嘅奶茶咖啡，仲可以选择冰果茶、蜂蜜柚子茶，仲唔使额外加钱。日式天妇罗鱿鱼新鲜制造，食嘅时候仲热辣辣，本身都有咸味，系唔错嘅开胃菜。如果食到中途想转味道，可以点附送嘅沙律酱，即刻似食鱼柳包嘅味道😙北海道带子松露野菌意大利粉好欣赏佢上枱嘅时候够热，对于只系称得上暖嘅意粉，真系仲未识欣赏🤦‍♀️每啖都食到松露嘅味道，绝对系赞👍原本想食法国烧春鸡，不过咁啱卖晒，就改为西班牙黑毛猪鞍。见到咁厚嘅猪鞍，仲担心佢会又”鞋”又”靭”，食落无啲咁嘅问题，比德国米芝莲一星嘅猪扒仲好食，配埋个苹果酱，真系perfect match😌最后个甜品系提拉米苏，比想像中大份🤩哩餐绝对系满足嘅一餐。