TC Bistro (已結業)

最近发现左呢间喺新蒲岗嘅西餐小店，出名系食牛嘅，仲要有威灵顿牛扒，不过要先预约。餐厅位置喺miKiki附近，都几容易揾。-蟹肉忌廉焗蘑菇$68先叫一个头盘，热辣辣嘅焗蘑菇。-我哋分别叫咗两个晚餐，沙律系无花果沙律，沙律醋好开胃！紫薯忌廉汤，系一个好新鲜嘅组合，多数紫薯都系用来做甜品，好少见佢会喺汤度出现，估唔到又几好饮㖞！-威灵顿牛柳$298+$50转套餐第一次食威灵顿牛柳，一人份都好大份，酥皮焗到金黄色，切开之后见到五成熟嘅牛柳，好juicy，可以同旁边嘅蒜粒一齐食，增加口感。伴有海盐，不过我觉得就咁食可以食到牛嘅鲜味，都唔需要特别调味。-扒波士顿龙虾配白菌忌廉汁扁意粉$248+$50转套餐龙虾扁意粉肉质弹牙，白菌忌廉汁食落去唔会觉得腻！-套餐加$12可以转花茶，叫咗一个草莓荔枝绿茶同埋伯爵茶。食完仲要送甜品，今日嘅甜品系焦糖炖蛋，食埋个甜品真系一餐圆满嘅晚餐。