Attic Handmade Pasta (已結業)

今日收工去咗公司对面新嘅大厦一楼试吓呢间意大利手工意粉，餐厅好有心思布置因为就嚟到圣诞，我哋坐低之后，服务员非常好，为我哋介绍餐牌，佢推介左我哋食个二人餐，首先每人会送一份烟三文鱼忌廉芝士千层酥皮盒，好松脆好好食，跟住就有手工面包，一个系蕃茄包，一个系合桃提子包，好烟韧好好食，之后有蘑菇汤，系蘑菇打成茸非常浓郁，之后就系前菜第一个昆布渍牡丹虾薄片刺身，半血橙醋汁，识落系新鲜嘅，好似橙味嘅生虾刺身咁。第二个前菜系日式酱油渍糖心蛋黄多士，伴黑松露意大利软芝士和鱼子酱，平时我系唔食蛋黄，但系呢个蛋黄系浸左酱油渍二十四小时，所以偏实心一点，同埋因为用日本鸡蛋冇蛋黄臭味。之后就系意粉，我哋拣咗慢煮鸡胸鸡白汤意粉，意粉偏硬身一点，因为系手工制作的，比坊间一些意粉要偏硬一点，但系鸡胸好嫩滑，唔似系鸡胸嘅好好食。之后仲有一个慢煮龙趸伴大蚬花胶鱼白汤，冇谂过原来鱼白汤咁好味，好香鱼味，龙趸厚肉唔会鞋。之后甜品我哋拣咗一个伯爵茶意式奶冻伴焦糖脆脆，我同老公都非常钟意食呢个，伯爵茶味非常够，奶冻好滑，焦糖脆脆超级好味呀。另一个系柠檬挞，佢介绍我哋要配合蛋白一齐食会冇咁酸，但系我觉得酸酸地好开胃尤其是系食完饭