Homeland (東昌街) (已結業)

餐厅地方阔落，有上下两层。店舖嘅装修比较俏皮，门口用彩色嘅霓虹灯做招牌，店内充满色彩缤纷既挂画、木制桌椅等，灯光偏向昏暗，气氛唔错。Set Dinner ($148)分别有前菜 (汤/沙律)、主菜同饮品。前菜我地拣左烟三文鱼同慢煮鸡胸凯撒沙律，烟三文鱼同鸡胸都好足料，配上浓郁嘅凯撒酱同新鲜沙律菜，十分清新。伊比利亚猪肩肉配苹果蓉及薯菜拣左8成熟 ，慢煮制作，猪肩十分厚身，食落肉质够软腍，一啲都唔鞋口，肉味香浓好juicy。配埋苹果蓉酱汁，酸酸甜甜好夹。伴碟既薯蓉亦算出色，薯蓉滑身，中间仲有一粒粒嘅薯块，令口感更丰富。黑松露牛肝菌芝士薄饼表面有满满既芝士同牛肝菌，黑松露好香浓，批底又够薄够脆口，令人忍唔住食多几旧。蒜香辣椒炒活蚬 (+$58)蚬肉饱满，爽口弹牙，小食分量黎讲都唔少，味道带有小小辣，几惹味。爆炸糖玫瑰荔枝梳打 (跟餐饮品半价升级)除左预先放入饮品既爆炸糖，另外仲会跟多一包俾你边食边饮/慢慢倒落去饮，几特别，仲有淡淡玫瑰花香同荔枝味。青柠水果梳打多多充满青柠嘅清香，入口清新，饮落微酸有汽几开胃，又可以平衡反食物既油腻感。