陳師傅點心專門店 (已搬遷) 新店位置

好耐之前睇完报章既介绍，一直都想嚟试下，假日终于有机会嚟新蒲岗食点心，果然无白行一趟。鱼子烧卖皇真系好大粒，虾肉都处理得几弹牙，食到中间更有切到好细粒既香菇，够哂足料。精制虾饺皇同烧卖一样$23一笼有两件，价钱相对偏贵。不过虾饺系师傅亲手包制，虾饺皮比起平时食既更薄，而虾既份量都好多，真正做到皮薄馅靓。千丝芋角唔系间间点心舖都有呢款点心，好似蜂巢般既芋角，外面酥脆，入面甘香粉糯，所花既功夫更多。脆皮银丝肠餐厅自创菜式，外软内脆，口感同春风得意肠好似，不过更为香口。甘荀咸水角外层烟韧带微甜，略嫌层皮厚左啲，馅料带咸香，正常发挥。流沙奶皇包中规中距既一款点心，食到中间有流心既奶皇馅，未至于多到涌出嚟，不过味道都唔错。东北枣皇糕会亲手制作红枣糕既点心店真系唔多，每件都好大旧绝对一啖咬唔哂，食落口感烟韧，系微甜且淡淡既红枣味道，唔钟意食太甜既人食呢个就啱啱好。