北角四眼妹美食屋 (已結業)

今日同同事食完饭想食下甜嘢，见到有鸡蛋仔同格仔饼就一于每样一件一齐share。舖头虽然细但有好多唔同种类嘅小食提供，除咗一般烧卖鱼蛋外仲有几款特别嘅小食，卤水鸡翼、肉燥肠粉及酸辣粉等等。鸡蛋仔即叫即整，等一阵就有热辣辣新鲜鸡蛋仔食，鸡蛋仔外脆内软，蛋味一般但胜在唔过甜。格仔饼相对比较出色，除咗一般花生酱练奶，仲有几款酱可选择，今次拣咗金莎酱榛子。格仔饼厚实，外脆内软口感不错。榛子酱非常多之余仲有花生碎作馅，非常香口。斋面筋大件够腍，加上微辣咖喱汁，味道不错。