日本洋食屋 翔 (已結業)

朋友介绍，荃湾有一间由日本人开嘅小店，喺荃湾中心，唔算太易揾。舖头细细，系一个open kitchen，由一位日本人负责料理所有食物。虽然地方细细，都有颇多选择，一个餐牌主要系日食，另一餐牌就系日式同西式fusion，例如有pizza。不过我都系比较想试下日式餐点，所以就叫咗个滑蛋猪扒饭。一个set包一个汤或沙律同埋一罐汽水。个汤几好饮㖞，系红萝卜同白萝卜嘅面豉汤😋由于厨房一人包办，等食物嘅时间相对比较长。不过所有主菜都即叫即制，等吓无所谓啦！滑蛋猪扒饭送到！一望到个滑蛋都已经觉得不错，唔会太老，仲有少少蛋汁，而猪扒外皮都微脆。可惜嘅系饭唔系用珍珠米，食落就少咗一份日式料理嘅口感同精致。整体口味亦比外面其他日式料理清淡。