煮道 (已結業)

之前同朋友讲起火锅嘅话题，佢介绍左我呢间位于上环嘅煮道，今晚我就黎一试究竟。唔熟港岛嘅我，揾路方面遇到小小困难，原来佢系位于电脑城嘅楼上，唔留意嘅话真系好容易Miss左架！估唔到店面地方咁大，装修得好靓，我哋靠落地玻璃坐，气氛一流。呢度最好嘅系可以先拣火锅嘅配料，再自选汤底，配搭非常自由，可以迎合唔同人嘅口味。「星级精选锅」$98（汤底：煮道四川麻辣汤）如果冇特别要求，汤底嘅辣度会系中辣，食开辣野嘅我就觉得中辣真系湿湿碎，但味道真系正宗嘅四川口味，值得一赞！我哋选配左美国极黑毛猪肉，肉质有弹性，容易咬断，用料上乘，果然有别一般。丸类方面，选用左振兴嘅出品，全部都有馅料，口味独特，甚少在外面食到。食嘅时候要份外小心，因为好易烫到嘴。「日式寿喜烧」$98 （自选汤底：健康番茄汤） 番茄汤底酸酸甜甜，开胃又醒神。呢度嘅牛肉系采用经过检定嘅安格斯牛肉（Certified Angus Beef)，大理石纹脂肪均匀分布，肉质嫩滑，果然有水准。其他配料包括外国走地鸡有机鸡蛋、云南润肺云耳、振兴福宝、日本竹轮、鲜冬菇、黄金龙虾丸，以及乌冬，非常丰富。饮品方面我地点左珍珠奶茶，最后饱到不得了呢！呢餐真系