三才魚蛋粉麵

营业中

休息中

放工去幫朋友整電腦，佢住係銅鑼灣，因為怕唔夠時間整，就在佢屋企樓下三才魚蛋粉麵用晚餐，店內地方不大，朋友說常常來食，價錢公道味道唔錯。每款都配有蔥花、冬菜、三才炸蒜，不要可落單時講聲，還可選河粉/幼麵/粗麵。魚蛋河除了魚旦亦有魚片，是自家製的，鮮味彈牙，有魚香味，河粉夠滑，湯底清甜。蔥花、冬菜、三才炸蒜令味道提升。鮮蝦雲吞粗麵，雲吞餡有蝦有肉，鮮味爽口，粗麵彈牙。鮮蝦水餃河，水餃有蝦、木耳、冬菇、肉。蝦和木耳爽口，有冬菇香味，多重口感，味道唔錯。叫凍飲只需加7蚊，凍華田和凍咖啡，不會太甜又夠凍。