鮨心 (已搬遷) 新店位置

喺旺角等朋友收工，但系点知朋友OT到不知时候，间餐厅原本系约黎同朋友叙旧，担心已经过晒订枱时间，好彩打去餐厅佢都仲肯安排张枱比我地，加分间餐厅系朋友介绍我嚟嘅，地方装修算好有格调，食物方面我哋首先叫咗个刺身沙律，刺身份量好多，亦都好新鲜玉子系朋友其中一样最喜爱嘅食物，呢度嘅玉子层次分明而且好松软，蛋味好香浓，做得好出色寿司方面我哋分别叫咗几款，鱼生感觉都系好新鲜，卷物亦都好有特色特别想赞一赞呢度嘅酿鸡翼，外皮做得好香口，而且中间嘅馅料好香，配埋柠檬汁感觉好惹味