TC Bistro (已結業)

又到拍拖时间啦，呢间餐厅之前参加朋友结婚晚宴时发现的，相隔差不多半年才来这里。餐厅位置在商场附近，位置方便容易找到。这餐厅主要是吃牛肉的，碟子上也印上牛的图案。餐厅格调前卫带点高雅。是日沙律，烟三文鱼沙律，沙律菜和火箭菜好新鲜，食嘅时候系好似食薯片嘅脆卜卜声咁，车厘茄好甜好多汁，配左少少醋去调味，好正。是日餐汤，南瓜忌廉汤，南瓜打得好溶，无渣，汤味浓郁幼滑，加上烘烤过嘅面包，好食到停唔到口。北海道带子香草酱意大利饭带子两边煎过，香脆，肉质鲜嫩。意大利饭唔会太硬刚刚好，配上香草酱感觉清新而且唔会腻，有惊喜。威灵顿牛柳（一人份量）见到多人好评，但无预订，胆粗粗问下仲可唔可以order，好彩有得食，其实我系第一次食威灵顿牛柳。份量大，如果我自己食一定食唔晒，酥皮焗到金黄色，切开后，牛柳厚身肉质嫩滑多汁，焗到刚刚熟，同酥皮一齐食口感更丰富。我自己钟意夹埋旁边嘅蒜粒一齐食，好好食。最后叫咗杯热柠茶，茶香味甘，大爱。老公话下次再嚟试其他菜式，我已经谂好要试啲咩啦，哈哈。