越之味 (新都城中心) (已結業)

行过见到商场难得有间唔喺集团连锁经营嘅越南菜 好奇睇下个餐牌 主打牛肉 一向钟意食牛嘅我决定试下 坐低叫咗个生牛肉汤河 饮品仲有半价 好抵汤河上台砌得好靓 配料丰富 夹埋个汤饮落有神奇效果 好特别 感觉喉咙辣辣地但好舒服唔喺辣到要饮水𠮶种 好过瘾唔喺味精汤 喺足料用心嘅汤底 值得一试生牛肉浸落个汤到令个汤更加鲜甜 河粉好滑 汤好够热 怕生嘅都唔惊 牛肉一浸就熟 唔会韧 后尾追加鸡丝 一样冇令我失望 够新鲜 唔老 好鲜甜睇得出每样食材都经过精心挑选 用心制作 值得再试睇到隔离台叫嘅大虾蟹膏虾肉汤河都好正 卖相好吸引好香 只虾够大只 诚意十足可惜一个人食唔到咁多 决定下次带埋朋友过嚟食 可以试多啲