宴．鐡板燒 (亨環‧天后)

营业中

休息中

返工难得有得放平日，决定好好奖励自己，拣咗间高质铁板烧嚟食。呢间铁板烧位于天后，位置好方便，喺地铁站隔离，咁啱𠮶日落大雨都唔使行好远就去到。餐厅喺24楼，望出去可以见到好靓嘅海景。前菜前菜一嚟就好惊艳，京都汤叶配上本茹水云菜，酸酸甜甜，超级开胃。日本温室蕃茄清爽多汁，北海道白粟米十分爽甜，仲有海胆配腐皮，道道都超级好味！刺身白松露樱花鲷鱼薄切花鲷鱼本身好清甜，配埋淡雪盐同埋白松露油，连豉油都唔使点，一放入口白松露嘅味即刻爆发出嚟寿司大池鱼寿司比较爽口同埋清甜，鲽鱼寿司比较滑身，但师傅用火烧一烧，令到本身嘅油香完全带咗出嚟，食完啲油香留喺嘴入边，两款都好高质。铁板烧澳洲龙虾师傅会即场喺水缸捞只龙虾出嚟，只只都好生猛，再望住师傅即场切，然后放喺铁板上面煎。只龙虾又新鲜又大只，啖啖肉好正，而且虾膏超级浓郁，真系好食到唔舍得食晒呀三文鱼籽配北海道帆立贝日本帆立贝固自然鲜甜，但再由师傅熟练嘅手势，煎到外层香脆，再配搭师傅自家制嘅三文鱼子，下面仲有海苔汤汁，无论口感同埋味道都系超级正美国牛柳牛肉可以拣厚切或者薄切，薄切嘅牛中间会夹住香脆嘅蒜片同埋香葱，咬落去嘅味道会比较丰富。好似嘅牛牛味比较浓郁，