少爺泰 (已結業)

在河畔揾食，想试新野，见到不少网民推荐呢间食店，所以即管一试。店舖size几大，座位阔落。叫左个沙律，因为想清淡啲，所以拣左以生果为主的泰菠鸡鲜果沙律。真系好清新、好超多生果、造型有趣，有劲多菠萝，唔酸，唔太甜，用黎开胃，啱啱好。跟住叫左个串烧拼盘，鸡猪牛，样样齐，一次过满足所有愿望，猪肉最多肉汁，猪颈肉又够肥，其他肉都好味，只系猪肉最特出，有两款酱汁，与不同肉配搭食，令肉质、肉味有提升，有心思。主菜系招牌西隆路边炸鸡，超多咖喱汁，放在面包内，令面包充满酱汁，超好味，旁边还有顶层的面包，烤得好脆，再点咖喱汁，好味到不得了，汁好多，所以可以点面包，亦够叫个白饭配埋一齐食；炸鸡新鲜，好香脆。最后，叫了鲜虾金边粉，酸味味，好醒胃，大虾爽口，想食辣的，旁边还有辣椒籽，可以满足不同人的要求。真真正正到最后，叫了点饮品，全部都系沙冰类，感觉好清凉，有荔枝加柑蓝味；新鲜柚子沙冰；迷红小象(菠萝、苹果、香蕉)；吉帝雅帕(草莓、苹果、青柠)，每款都充满鲜果味，唔会好甜，感觉好清新。另外，不少食物都配有沙律菜，所以看似有叫菜，但一样有菜落肚用餐期间，见侍应同其他食客几熟络，食物应该有一定级数，先可留住客人