尚樓餐廳 (已結業)

寻日系农历新年假期前最后一天上班日， 梗系唔会work from home. 返下公司，晏昼出去食下饭. 我哋平日好钟意帮衬呢一间餐厅(尚楼)买外卖. 佢哋嘅手撕鸡同埋海南鸡 一定要早啲落单否则好快卖晒。平时我哋都系一早叫定 然后落嚟攞外卖嘅，贪佢味道好，服务周到。今日特登来堂食因为好似有新嘢。尚楼小菜餐佢哋嘅小菜餐日日唔同今日系1)沙姜鸡或者系2)惹味酱爆鸡球佢哋个小菜餐系跟(一味主𩠌 )（一份杞子浸时蔬）同埋热饮 ＆白饭or 鸡汁饭我叫咗2）惹味酱爆鸡球一上碟我同事都哗一声。碟菜摆到成只花咁，好靓仔又唔会煮个龙。酱爆鸡球嘅煮食简直系冇得顶， 鸡嫩滑好味， 个酱汁简直系无敌。 碟鸡上面仲有红椒黄椒。 食落好新鲜嘅感觉。老实讲喺中环 六十几蚊 有咁高质嘅嘢食简直系无敌。值得一赞系佢哋嘅服务员好有礼貌， 又诚恳。上次突然落大雨, 我刚刚嚟攞外卖. 服务员仲借把遮畀我。 当然第日我有还遮比尚楼啦。