影片
更多
2020-11-11
409 浏览
放咗工唔想煮饭，于是同老公去咗附近嘅新开茶餐厅试吓，估唔到有意外惊喜！首先觉得好得意嘅系，佢嘅drink Menu 有提供手工啤酒同埋葡萄酒🍷假如突然间想同三两知己饮返两杯，都可以系呢间茶餐厅满足到你😂好入返正题先⋯同老公入到去，第一个感觉系地方细细，但系服务态度唔错。侍应好有礼貌咁同我哋推介佢哋嘅set dinner。我同老公拣咗两个主菜，包括系炸鱼薯条同肉眼扒，仲要好放纵咁，set drink 叫两杯红豆冰(只系加$3）。餐汤到，已经眼前一亮⋯⋯蘑菇汤真系唔错👍如果浓少少就比得上以前嘅Simplylife（大家记住佢只系茶餐厅嘅价钱）。另一个亮点系佢块丹麦多士，真系好好食，好难得系焗到啱啱好👍（讲真，净系块多士已经比到我个感觉佢哋好有心机做，而呢块多士系会令到我哋再想食）再加上沙律菜系非常新鲜，净系餐汤沙律同多士已经比到好大嘅惊喜我哋。跟住主菜到，个炸鱼薯条真系分量十足！！！炸鱼嘅表层炸得啱啱好（我最怕啲炸鱼嘅炸皮过厚）而且食得出啲薯条系新鲜炸出嚟。我老公其实唔系太食鱼，但系都赞不绝口！至于个肉眼扒，虽然个肉味争少少，但系起码口感系够淋。而佢嘅配菜系薯条同埋蕃茄汁萝卜瓜。薯条就唔使
首先觉得好得意嘅系，佢嘅drink Menu 有提供手工啤酒同埋葡萄酒🍷假如突然间想同三两知己饮返两杯，都可以系呢间茶餐厅满足到你😂
好入返正题先⋯
同老公入到去，第一个感觉系地方细细，但系服务态度唔错。侍应好有礼貌咁同我哋推介佢哋嘅set dinner。我同老公拣咗两个主菜，包括系炸鱼薯条同肉眼扒，仲要好放纵咁，set drink 叫两杯红豆冰(只系加$3）。
餐汤到，已经眼前一亮⋯⋯蘑菇汤真系唔错👍如果浓少少就比得上以前嘅Simplylife（大家记住佢只系茶餐厅嘅价钱）。另一个亮点系佢块丹麦多士，真系好好食，好难得系焗到啱啱好👍（讲真，净系块多士已经比到我个感觉佢哋好有心机做，而呢块多士系会令到我哋再想食）再加上沙律菜系非常新鲜，净系餐汤沙律同多士已经比到好大嘅惊喜我哋。
跟住主菜到，个炸鱼薯条真系分量十足！！！炸鱼嘅表层炸得啱啱好（我最怕啲炸鱼嘅炸皮过厚）而且食得出啲薯条系新鲜炸出嚟。我老公其实唔系太食鱼，但系都赞不绝口！
至于个肉眼扒，虽然个肉味争少少，但系起码口感系够淋。而佢嘅配菜系薯条同埋蕃茄汁萝卜瓜。薯条就唔使讲啦好好食，都系新鲜炸出嚟👍啲萝卜我都食晒，真系几有心嘅制作。
唯一美中不足系杯红豆冰。其实可能系我哋嘅问题，因为最近有啲气管敏感，但系又贪食想饮红豆冰。我地叫咗少冰，而导致花奶嘅比例太多。我哋反映想要加多少少红豆，服务员亦都非常之好人，帮我哋加咗👍虽然系咁，其实杯红豆冰系好好味嘅👍👍👍
今日食晚餐，怕影响夜晚瞓觉，所以冇试到咖啡同奶茶。
如果，连咖啡同奶茶都好饮，我相信呢度会变咗我同我老公嘅饭堂😂😂（因为附近的餐厅，合格嘅奶茶真系唔多）
下一次嚟到会再试，到时再同大家分享😉
总括而言，今次呢间新餐厅比到好大嘅惊喜我哋❤️真心希望可以继续保持到呢个水准啦🙏🙏🙏
张贴
