Kuru Kuru自家製手作意粉 (已結業)

第一次去坚尼地城食嘢，因为朋友介绍手作意粉好好食，所以去try try，之后仲可以搭叮叮去中环坐摩天轮🎡一举两得。👍用心制作软壳蟹天妇罗蕃茄意粉$128 加蟹$20推介👍 自家制手作意粉有惊喜，意粉更有口感，酱汁有淡淡的蟹香味，唔系一般嘅蕃茄味，有新鲜感，有诚意，值得一试。夏威夷pizza $113Pizza嘅皮烟烟韧韧，同平时食嘅Pizza唔同，系即时制作嘅pizza底，新鲜嘅菠萝大大粒，新鲜热辣辣，有股尊重食物嘅精神。炸鱿鱼圈$65炸得金黄松脆，分量十足。软心朱古力蛋糕配雪糕$78蓝莓大大粒而且甜，朱古力同雪糕系绝配。抹茶红豆鲜奶加$15抹茶有得拣浓或者淡，拣咗茶味较浓，非常适合唔钟意甜嘅朋友仔，清香。总括而言唔错，特别系意粉同Pizza，喜欢佢嘅用心制作，好有诚意，要快啲喺将军澳、观塘开分店，咁就可以近近地都食到。