影片
更多
2023-05-09
41 浏览
炸嘢好多人都钟意食！但好多炸物店样样都包好厚粉浆同埋一样调味。而呢度就每种炸物都各有风味，估唔到炸物都可以做得咁出色同心思！🔵外脆内软炸烧卖 食过好多间嘅炸烧卖都偏实净，但呢间好特别，烧卖竟然可以炸得松软，口感轻盈！仲粒粒都胀卜卜好大粒！ 🔴招牌炸三宝 (茄子 青椒 云吞) 一入口就觉得鱼肉好软滑，完胜平时食开啲煎酿三宝！老板话系自己捞咗唔同鱼肉，唔怪得咁正！个人特别钟意云吞，炸得超脆！ 🟡鸡软骨 佢唔似日式鸡软骨咁包咗好厚嘅炸粉，可以食到粒粒鸡软骨嘅爽脆，而且调味好惹味，配有四季豆，份量好多，食唔停口！ 🟢炸丸系列 我哋太钟意食丸，试咗椒盐牛丸，台湾贡丸，台湾花枝丸。牛丸非常有惊喜！牛香好浓，仲好juicy！一咬就咇晒啲肉汁出嚟！贡丸同花枝丸都好有咬口，钟意食丸嘅我哋非常满足！ 🟣柠檬汁黑椒脆骨肠 呢样又系惊喜之作，喺其他炸物店比较少见。猪肉肠夹杂咗啲爽脆软骨，口感丰富，配柠檬汁好清新，食多啲都唔觉得腻！ 🟤天妇罗鱿鱼须 烟韧鱿鱼须加天妇罗外皮，当然系绝配，加上表面仲有海苔，再多一重风味，又系食唔停口！ ⚪香辣单骨鸡翼 食炸嘢点少得鸡翼，外层炸得非常香脆，而肉质仲好嫩滑！
🔵外脆内软炸烧卖
食过好多间嘅炸烧卖都偏实净，但呢间好特别，烧卖竟然可以炸得松软，口感轻盈！仲粒粒都胀卜卜好大粒！
🔴招牌炸三宝 (茄子 青椒 云吞)
一入口就觉得鱼肉好软滑，完胜平时食开啲煎酿三宝！老板话系自己捞咗唔同鱼肉，唔怪得咁正！个人特别钟意云吞，炸得超脆！
🟡鸡软骨
佢唔似日式鸡软骨咁包咗好厚嘅炸粉，可以食到粒粒鸡软骨嘅爽脆，而且调味好惹味，配有四季豆，份量好多，食唔停口！
🟢炸丸系列
我哋太钟意食丸，试咗椒盐牛丸，台湾贡丸，台湾花枝丸。牛丸非常有惊喜！牛香好浓，仲好juicy！一咬就咇晒啲肉汁出嚟！贡丸同花枝丸都好有咬口，钟意食丸嘅我哋非常满足！
🟣柠檬汁黑椒脆骨肠
呢样又系惊喜之作，喺其他炸物店比较少见。猪肉肠夹杂咗啲爽脆软骨，口感丰富，配柠檬汁好清新，食多啲都唔觉得腻！
🟤天妇罗鱿鱼须
烟韧鱿鱼须加天妇罗外皮，当然系绝配，加上表面仲有海苔，再多一重风味，又系食唔停口！
⚪香辣单骨鸡翼
食炸嘢点少得鸡翼，外层炸得非常香脆，而肉质仲好嫩滑！鸡翼上面有啲香辣粉，仲配有甜酸酱，鸡翼控唔好错过！
⚫椒盐粟米
粟米用咗简单椒盐调味，香口得嚟又吊出粟米嘅清甜，必点！
🟠秘方菜脯辣椒酱
老板用咗秘制辣酱配烧卖同丸，大爱呢只辣酱呀！入面有脆鱼仔同菜脯，食落好香口，又够辣！我哋食晒啲炸物之后都继续夹起啲辣酱嘅鱼仔同菜脯嚟食！爱食辣嘅朋友仲可以买樽返屋企慢慢食添！
张贴
