雅高·33

营业中

休息中

今日朋友扶我去完附近睇跌打，行经呢间食餐饭，决定同佢食个晚餐，晚餐配有餐汤同埋蒜蓉包，罗宋汤都几足料，蒜蓉包非常有惊喜，虽然跟餐但系质素一啲都唔差，焗得香脆，上面满满牛油同蒜粒，十分香口！点左个澳洲肉眼扒配薯菜，肉眼扒好有份量而且好有肉味同油脂香味，食落唔会韧，好食。薯菜系意式香醋汁沙律同连皮薯角，热辣辣啖啖薯仔味，又要开胃沙律伴碟，正。猪仔骨有时都好惊餐厅会烧到好柴好嚡口，但呢间餐厅就唔会，份量多得嚟系好食，肉淋得嚟又唔会冇晒咬口，用刀都容易切得开。猪仔骨嘅酱汁够晒浓郁惹味，仲有牛舌真系一流，超值，再配埋番茄意粉，味道丰富，大满足好味道！整体嚟讲呢间餐厅嘅食物份量十足，用心制作，由蒜蓉包，餐汤至主菜都系咁好味，值得推介。