MASAM (已結業)

🍔专门卖汉堡嘅小店，汉堡种类几全面，好多自家创口味，有牛肉、鸡肉、猪肉嘅汉堡，另外仲有提供素食汉堡，一啲特别少少嘅例如软壳蟹、炸鱼、原只虾、鹅肝都有，可以话系咩都有，绝对满足到唔同人嘅需求。大家仲可以按自己口味追加配料例如大啡菇、辣椒等。🍔德国辣炸鸡堡 $58★★★★☆份量十足，横切面都见到成个汉堡有几厚身，一啖都食唔哂成个。辣炸鸡好大块，个包本身已经够大，但块炸鸡仲要再大过个面包。块鸡炸到几酥脆，只系因为外卖，偏中间嘅点都有系系淋淋地。炸鸡有层辣酱系面头，唔辣酸酸地几开胃，但略廉中间炸鸡位置冇咩辣汁。除左炸鸡，仲有一条一开二嘅德国肠仔，加埋啲汉堡配料(洋葱、紫洋葱、蕃茄、生菜)同埋沙律酱，成个汉堡口感好丰富，啖啖都好满足。值得一提，本身一打开以为面头系啲酸瓜，但原来唔系，系腌左嘅墨西哥辣椒，唔系好辣，但几特别。成个包食落唔会太腻，大满足！🌟总括：选择款式多，小店2个人打理，食得出用心制作，不论份量、价钱、味道都中上，绝对值得一试👍🏻。