秋千.在 (已結業)

一直被佢呢一个下午茶set所吸引，今个周末，一于前来拜访，同老公撑撑枱脚试试味，大家记住要提早预约！！✨贝果日式小丸子蟹柳紫菜、烟三文鱼原味、慢煮鸡肉红菜头、手撕猪肉泡菜芝士竹炭，一共四款口味。先要赞一赞佢每一个贝果皮都相当有嚼劲，口感实净，而且望落细细件，但系实际用料大方且澎湃。🥯 以模仿章鱼小丸子的最为有特色，外型别致，加入紫菜、木紫鱼同日式酱汁，入口甜丝丝的！烟三文鱼嘅咸配上青瓜嘅清爽，亦系常见有冇得输嘅配搭；慢煮鸡肉红菜头贝果绝对系惊喜之作，鸡肉相当厚身，口感极嫩；最后品尝带有辣味嘅贝果，猪肉之上再加片芝士作中和，韩式风味浓厚！✨甜点黑朱古力车厘子两者均有一定份量，慕丝镜面做得脆身，朱古力味浓郁，里面蕴藏住酸酸甜甜嘅车厘子，底部配以brownie 挞 ，口感丰富；抹茶芝士蛋糕做得颇为出色，抹茶粉份量合适，食落带点清香幽涩，两者并无喧宾夺主 ；伯爵茶柠檬以可爱的免仔造型登场，柠檬略略抢过风头，感觉清香Fresh Fresh 的；白朱古力苹果用上天鹅造型，令人唔想破坏，苹果蓉果香味好够，惟白古力确是甜度较高；而数到小编今日大爱：Tiramisu 挞嘅挞皮够松脆，忌廉做得轻盈不腻口，