Coti the Bistro (企業廣場)

营业中

休息中

二月有次响九龙湾行去mega box，途经呢个广场，响openrice见到想试吓，点知上到去无开，摸门钉。今次星期六下午又系去mega box，唔想成日食大商场连锁嘢，今次打去问，有开了，不过话得假日餐牌。嗌咗个牛油果软壳蟹汉堡，上网见好多人食个黄金蟹肉意粉，但餐牌又无，一场黎到好想试，问店员佢话可以加钱做俾我地。先来一碗餐汤，系罗宋汤，够浓郁。之后就到友人期待的黄金蟹肉意粉，同想像中有啲出入，蟹肉得少少，咸蛋黄味好重，忌廉汁浓郁，不过不失。牛油果同软壳蟹我都好钟意食，牛油果软身够熟，但个软壳蟹有阵腥味，有啲啲失望。薯条香脆，汉堡个酱都好味。唔记得咗几钱，大概每人100，无叫饮品，见佢啲咖啡都几吸引。食完落电梯见到地铁悭$2机，嘟埋。