漢興茶檔

营业中

休息中

星期六九点松少少去到门口，已经见到条小人龙，好在五分钟唔使就有位。店内唔算好大，搭枱就必然，当然无咩所谓。蛋咸牛肉面（$24）加餐肉（+$4）面有得拣，拣咗福面，好耐未食过又另一番风味。蛋咸牛肉整得好靓，圆碌碌胀卜卜，仲好有心思加埋葱花，虽然都系预期中嘅味道，但食得出好有诚意。餐肉有两块，厚切半圆，$4抵食。蛋咸牛肉加多士（$22）加餐肉（+$4）蛋咸牛肉放系两块餐肉上而，然后用四件牛油多士围住，摆盘靓靓加哂分。热奶茶（$14）因为无套餐，所以散叫一人一杯。味道可以，颇滑。虽然全部嘢食都系预期之内嘅味道，但食得出系用心制作，难怪客似云来。