Nathanhouse (已結業)

系奥海城睇完戏都成8点半, 咁岩戏院门口就有间几靓既餐厅, 唔洗四围揾餐厅~头盘焦糖北海道帆立贝. 三文鱼籽.青芥末枝豆蓉以香脆炸云吞皮盛住煎得金黄既带子, 酱汁既芥辣味突出但唔OVER, 整体味道同层次都好丰富。餐汤姜汁西洋菜浓汤.香脆烟肉汤既质感浓厚, 啖啖菜既甜味, 伴上咸烟肉, 估唔到又几夹。法式香草杂果仁.烤羊系羊既表面涂左层果仁碎, 增添口感。而羊肉中心呈浅粉色, 略嫌熟左少少. 但入口依然软腍, 羊味浓香。薰衣草奶冻．士多啤梨冻汤好特别既味道, 奶冻细滑, 薰衣草味道系舌尖上融入至整个口腔, 非常清香! 伴上士多啤梨冻汤, 香甜唔会有一丝腻感。