心裡有素 (已結業)

今次系我第一次是全素食嘅自助餐，一向无肉不欢嘅我因为今次嘅素食体验对素食完全改观，以后都会多啲食斋！餐厅比较近似茶餐厅格局，自助食品偏向家庭式口味，同时都有啲新式素食。呢度嘅用料高级，调味系用贵价的玫瑰岩盐同埋木糖💕而且定期会更新菜单，厨师系中厨出身，做嘅菜都好有镬气而且少油少盐。前菜有日式胡麻荞麦面、川味东北粉皮等，两款都做得几惹味几开胃😊 炸物包括炸茶树菇、蕃薯、茶树菇、秋葵同超级香口嘅咸蛋黄炸豆角😍其他主食同蔬菜嘅选择亦非常之多不能尽录，当中必定要试嘅有：黑松露蒸水蛋、黑松露干烧伊面、千岛蕃茄炒蛋、澳洲蜜糖蕃茄、桂花银芽炒素翅、干煸四季豆、上素罗汉斋等等…😇甜品系云尼拿味明冶牛乳布丁!❤️采用左云尼拿籽而唔系用香精；焦糖布甸🍮入口非常滑溜，呢度嘅甜品真系好比酒店级数!💕沙律吧除左有各式各样嘅沙律菜供应之外，仲有非常高质嘅水果，今晚就有超甜超多汁嘅芒果同香桃! 原来老板每朝早都会去油麻地果栏入货，真系不惜工本。仲有一点非常值得欣赏! 餐厅老板每一晚都会将食剩嘅𩠌菜打包成一盒盒送比附近嘅露宿者，风雨不改，真系好有爱心💗 充满人情味的素食小餐馆😊