丸十寿司日本食堂

营业中

休息中

丸十呢间日本料理，除了出名用料新鲜，所选用既饭粒都系经过精挑细选，采用北海道既七星米，因此寿司饭粒粒粒分明，唔易散且黏度刚刚好；而寿司醋既酸度调校亦刚好，整体很不错！1️⃣杂锦野菜沙律沙律菜够新鲜，配埋酸酸地既柚子酱，味道开胃又清新，非常适合作前菜！2️⃣丰州特上刺身（5点）刺身包括：拖罗丶牡丹虾丶油甘鱼丶赤贝同鲷鱼，整体刺身质素高，解雪技巧好，完全食唔出任何雪藏味～而个人最爱当然是拖罗，油脂分布十分平均，食落入口即溶，感觉好幸福！3️⃣铁板烧日本地鸡日本走地鸡肉质好嫩滑，配埋照烧汁，以铁板热辣辣咁呈上，香气四溢！4️⃣丸十寿司盛合包括：海胆寿司、拖罗寿司、鲷鱼寿司、带子寿司同虾刺身寿司～呢度除左拖罗高质，海胆亦出乎意料地高质，口感极creamy，一点都唔腥；紫菜仍然好脆身，好味！💕💕5️⃣海鲜土瓶汤汤底似味增汤，但无咁咸；而且加入左好多唔同海鲜，包括虾、蟹肉同鱼肉等，令成个汤底鲜味十足！店员建议可以搾少少青柠汁，令鲜味再提升，正！饮完唔够喉！