保家山 (已結業)

讲到观塘区美食，可能大家都会谂到唔少价钱相宜嘅选择，而呢间餐厅就主打比较贵嘅手工和牛汉堡，即使系午餐精选都要大约$100，可能因为咁，即使lunch hour都唔算太多食客，但帮衬完就会感觉到佢哋好用心去经营🙈汉堡可以拣唔同酱汁、甚至乎芫茜，作为香港人，当然要试下港式酱汁够唔够地道😎每个包都跟沙律同饮品，估唔到今时今日仲饮到玻璃樽装嘅可乐，而且要自己开盖，饮完心情都特别靓😂平时见到餐牌有沙律都预系杂锦沙律菜捞芝麻酱，仲有机会”梅梅地”，但呢度竟然用罗马生菜、好新鲜，同蕃茄丝一样爽脆多汁，酱汁方面系柚子醋，酸酸甜甜好开胃🥰虽然比较简单嘅前菜，但餐厅都唔会hea做👍🏻食个汉堡之前试试酱汁先，真系超港式，好似沙律酱加咗豉油喼汁🤣不过成个包一齐食又唔会太㗳到𠮶浸味，因为和牛嘅味浓啲？或者呢个搭配真系几夹🤔面包有搽满牛油又烘过，所以合格✅不过汉堡扒有少少干，如果抱住好想食到和牛嘅油香，可能就会失望，呢个汉堡反而要油腻啲😉但估唔到汉堡入面系用罗马生菜，爽脆又甜啲😋朋友叫咗个辣汁嫩鸡汉堡($96)，内馅唔系煎鸡髀而系炸鸡，几嫩滑几juicy😝