影片
更多
2020-03-15
88 浏览
男朋友寻日打完疫苗，今日有啲唔舒服😷，无乜胃口，想食粥。放工经过旺角，网上揾到附近有间粥舖叫新记鸡粥，应该几啱佢食，重点系佢唔系简单嘅粥品铺😋佢系粥品结合茶记。✨有样嘢好就系我可以唔洗斋陪佢食啲清清地嘅嘢，可以自己自私叫小菜食😜依间铺系元朗鸡粥的分店，睇装修真系唔似老牌粥品店。入去坐低，发觉座位几阔。一睇餐牌，有啲惊喜，本身都知佢有小菜但我冇谂过选择都几多。👍🏻首先嚟嘅系贵妃鸡粥🐔鸡粥个粥底好绵，加上鸡肉带少少咸味，肉质唔鞋，重保持到少少嫩滑，连我都同男朋友争食添🙈🙈。好彩个鸡粥份量都算大，而且鸡件有七、八旧，够晒我地两个人食。食鸡粥又点可以少得油炸鬼。🥳炸两上枱食落脆卟卟👍🏻冇油益味，而且肠粉皮滑又唔厚身。好味～～～再嚟嘅系虾酱通菜🥬未食落肚果阵虾酱味已经搞到我流晒口水🤩通菜个份量都几大，够两个人食有余，镬气比得上大牌档的质数。之后上嘅系海蜇手撕鸡✨食落感觉好似加左少少千岛酱咁，个秘制酱汁有种酸酸甜甜嘅味道，唔似平时茶楼食开果种油淋淋嘅感觉，食完都觉得开胃咗。最后嚟嘅系豉椒炒黄鳝🐟我都系第一次食呢只煮法，食落有啲似鳝糊，但又唔似上海菜咁同韭黄一起炒。黄鳝爽口弹牙，入口啖啖肉，加埋豉椒
放工经过旺角，网上揾到附近有间粥舖叫新记鸡粥，应该几啱佢食，重点系佢唔系简单嘅粥品铺😋佢系粥品结合茶记。
✨有样嘢好就系我可以唔洗斋陪佢食啲清清地嘅嘢，可以自己自私叫小菜食😜
依间铺系元朗鸡粥的分店，睇装修真系唔似老牌粥品店。入去坐低，发觉座位几阔。
一睇餐牌，有啲惊喜，本身都知佢有小菜但我冇谂过选择都几多。👍🏻
首先嚟嘅系贵妃鸡粥🐔
鸡粥个粥底好绵，加上鸡肉带少少咸味，肉质唔鞋，重保持到少少嫩滑，连我都同男朋友争食添🙈🙈。好彩个鸡粥份量都算大，而且鸡件有七、八旧，够晒我地两个人食。
食鸡粥又点可以少得油炸鬼。🥳
炸两上枱食落脆卟卟👍🏻冇油益味，而且肠粉皮滑又唔厚身。好味～～～
再嚟嘅系虾酱通菜🥬
未食落肚果阵虾酱味已经搞到我流晒口水🤩通菜个份量都几大，够两个人食有余，镬气比得上大牌档的质数。
之后上嘅系海蜇手撕鸡✨
食落感觉好似加左少少千岛酱咁，个秘制酱汁有种酸酸甜甜嘅味道，唔似平时茶楼食开果种油淋淋嘅感觉，食完都觉得开胃咗。
最后嚟嘅系豉椒炒黄鳝🐟
我都系第一次食呢只煮法，食落有啲似鳝糊，但又唔似上海菜咁同韭黄一起炒。黄鳝爽口弹牙，入口啖啖肉，加埋豉椒味，非常惹味🤓
食紧嘅时候发觉好多枱都叫蚬介鲮鱼球，好吸引，下次黎食我一定要试下。😝
张贴
