倫哥火鍋私房菜 (已結業)

同一班朋友第一次嚟食伦哥，一开始有饭前果送，好多种时令水果：木瓜，哈蜜瓜，梨，西瓜，火龙果，蕃茄同车厘茄店员系我哋食紧嘅时候帮手搞动鸡煲，啲鸡皮发出嘅滋滋声真系令人无法抗拒呢个时候亦上咗花菇扣鲍鱼，都系人头计嘅花菇十分大只，炆得好淋饱鱼入味，肉质弹牙，同个汁好夹，仲有旧西兰花添鸡肉十分滑嫩，虽然我哋叫咗小辣，唔辣亦唔呛喉，但鸡肉都好惹味，香气足酱汁正捞埋啲鱿鱼呀，牛柏叶啊，猪皮呀落去炒，兜多两兜，索哂啲汁仲好食劲多火锅配料，有伦嫂手打双滑：蟹籽虾滑墨鱼滑，阿妈云吞水饺、低盐少油嘅炸响铃，鱼皮，芝士肠，午餐肉，蟹柳等等......丸类就有麻吉烧，潮洲鱼蛋，龙虾沙律包，贡丸，都系比较热门，多人钟意嘅款式本地手打牛肉牛颈脊好靓，啲雪花好均匀，自己卖都冇咁靓呀冰镇住冇咁容易解哂冻，而且摆盘好豪华食到劲浓牛味嘅无与伦比牛颈脊每片薄切三秒即熟可以点返自己调嘅酱汁，生蒜葱花豉油同埋呢个超给无敌大嘅海鲜盘，都系食到我哋流哂口水 冰镇海鲜拼盘除咗有十分回本嘅蟹，贝类之外，仲有新鲜肥美嘅龙趸片，鲜鱿同埋蚝，真系十分足料甜品系燕窝炖奶，虽然燕窝份量唔多，但系甜甜嘅炖奶一啲都唔腻，食落养颜，实在系好满足