潮福蒸氣石鍋 (已結業)

上星期有朋友新屋入伙，朋友搬到大埔区住 ，佢话初初都有啲唔惯，但原来住落后发觉交通十分之方便，而且食店很多……参观完新居，我哋就去揾野食！我朋友都系食肉兽，最好梗系去打边炉，任饮任食啦！经过呢间潮福石锅，每位都系$198，仲包括指定海鲜，靓安格斯牛肉，三文鱼及象拔蚌刺身添！ 同朋友食火锅，任食就最容易预算 ！上到去装修同一般海鲜酒家没有太大分别，但服务员十分好礼貌，眼见附近嘅服务员，同样都系笑容可嘉，仲主动介绍麻辣火锅，佢仲话好正，中途佢见啲麻辣好似唔够多，仲加多一碗麻辣畀我哋自行㖭加，真系细心！睇下menu原来仲包埋朝日同嘉士伯啤酒任饮 ，饮得嘅朋友，呢个价钱真系好抵！海鲜拼盘大虾真系成只手指咁长，虽然不是活虾但系都好新鲜。贵妃蚌 相当大只食落亦爽口。龙趸鱼 块 肉质结实。圣子皇 很有弹力。安格斯牛肉，油脂及纹理分布均匀，而且每块大细适中，好有牛肉味！刺身拼盘，三文鱼及象拔蚌都系开胃小食！三文鱼系厚切的，好肥美其他任点火锅配料，我们只能够点些少，因为食完指定海鲜拼盘，刺身及安格斯肥牛之后，都已经好饱了！