吉祥日本料理 (已結業)

又同同事黎黄埔揾好野食。呢间餐厅新开张，见到网上评价唔错，特登黎试下。餐厅环境阔落，坐得舒服。我地俾佢个日替便当吸引。有刺身，寿司仲有金菇牛肉饭，岩晒选择困难，又咩都想试的人。前菜有沙律同味噌汤，味噌汤好暖胃，而且加左少少紫苏，味道更出。刺身两件（油甘鱼、三文鱼）刺身食得出好新鲜，三文鱼肥美厚切，油甘鱼食落淡淡甘甜，有鱼油香气，口感清爽。立鱼 鱿鱼 赤虾寿司鱿鱼寿司好高质，食落嫩滑而略带嚼劲。赤虾肉厚饱满，鲜甜爽脆。金菇牛肉卷呢个经典组合当然好食，加埋d烧汁好送饭。呢度用日本米，饱满Q弹。炸吉列蚝新鲜即炸，蚝好juicy，海水味浓。外皮香脆不油腻，值得推介。咁高质的便当，埋单都是100元有找。而且每日的款式都各有不同，下次决定和同事再黎试下。