有蒸氣 海鮮石鍋專門店 (已結業)

自从上次去左食海鲜粥底火锅，都有好一排无再食过呢类野。今次就黎左尖沙咀食呢间蒸气火锅。我地选左呢个328既海鲜餐。佢好在有D小食花生同青瓜，咁中间等Ｄ海鲜食既时２都有Ｄ野咬下，无咁闷。首先出场既就系沙包蚬同竹串海中虾。一食落我就知道今晚一定唔会失望，因为佢地都好新鲜。首先最重要既系完全无沙，真心我好怕出去食海鲜既最大原因就系怕佢吐沙唔干净，咁真系会成个人即刻ｄｏｗｎ左。但呢间就完全无呢个问题，赞！鲍鱼熟得刚刚好，完全唔会干或者硬到咬唔开咁，也唔会韧到要咬好耐既食得落肚，味道也都好新鲜。元贝有粉丝，食落又系好鲜甜。桶蚝虽然蒸完细只左少少，味道都系唔错既，唔会有咩腥味。两种丸食落都唔错，猪肉丸唔会太肥腻咁，墨鱼丸就够爽口弹牙最后有啲瓜类，都系有啲蒜系面，唔会太寡，清清地甜甜地，都好食。