渝味曉宇重慶老火鍋 (QRE Plaza) (已結業)

终于去到试呢间咁出名嘅麻辣火锅😋我拣咗鸳鸯锅嘅原味同埋麻辣味~就算我唔系好食得辣我都一定要嚟呢度食佢嘅麻辣火锅 而我叫咗佢小辣，火锅汤底的确唔算好辣，一般人都可以食得到。呢度最好嘅系，佢大部份嘅材料都有得拣半份，好啱啲两个人去食嘅。因为佢半份得来真系啱啱好两个人嘅份量，咁我就可以拣多几款嘢食去试～佢嘅食材用料都几新鲜！我哋叫咗少少海鲜，肥牛，同埋一啲菜～佢嘅桂花蚌系超推荐！好新鲜好爽～而个蚝系好大只😂而且佢系冇腥味嘅👍🏻👍🏻龙趸片同肥牛就合乎水准～都系值得一赞。最后点左个干贡菜同莴笋～贡菜既味道好特别，口感都几爽而我亦都几钟意，大概有少少似笋嘅口感👍🏻可以一试最后呢间餐厅令我觉得好系因为佢部分冇咁普遍嘅嘢食都有教你要煮几耐，跟住佢煮啲嘢食就唔会overcook。