嵐橋丼飯專門店 (已結業)

就黎跟学校去交流团，所以约埋同学仔一齐黎尖沙咀找换店兑定D外币，顺个便就系附近揾埋食。今次拣咗系岚桥食日式丼饭。从门外睇呢间铺，已经见到充满日式味道既门口。六点黎到啱啱开门做晚市，所以系门口等咗一阵等店员收拾好先入去。店内既装饰都好有日本既风味，令人感觉置身系日本既小店进餐中。一坐低，店员就端来每人一杯茶，温热既日本茶入口甘香，先暖一暖身。再来一碗面豉汤，本来我个人几抗拒面豉汤，因为试过系其他餐厅饮过超咸既面豉汤，今次一饮，发觉原来面豉汤唔一定系超咸！内有豆腐粒、油豆腐丝、海带，都几足料，几好饮！虽然系呢到，主角系丼饭，但系喺呢个咁有日式风味既餐厅入面，都叫咗D关东煮黎食。关东煮既炸鱼饼同埋油扬味道清淡，所以旁边有一小碟装有芥末酱，点咗之后，味道又真系变得唔错㖞！除咗关东煮，我地仲叫咗大阪关西流行既小食︰串扬！我地叫咗半熟玉子同埋豆腐，串扬就系类似天妇罗但系就好似串烧咁用竹签串起。不过，半熟玉子放在匙羹上应该比起用竹签串起好，因为若然用竹签串起，里面既蛋汁应该会漏哂出黎、冇哂！豆腐本身十分嫩滑，系表面沾上炸浆炸起，又薄又脆既外表，与嫩滑既内里，相映成趣。味道有点淡，点起侧边既酱汁黎食，