後宮 (已結業)

同事介绍呢间后宫，有得打边炉又有得唱K，咁过瘾梗系要试下。叫咗个花雕醉鸡煲，汤底好香酒味；鸡件新鲜，按职员指示嘅时间去煮，生熟程度啱啱好，鸡肉嫩滑。潮汕吊龙片推荐必点，睇个样都知正，切得都几厚身，好有牛味，油香十足。香茜鲜虾饺饺子大只饱满，中间包住芫茜同、猪肉同鲜虾；啲虾都几大只，弹牙爽口。水鱿份量都几多，弹牙新鲜，唔洗点豉油都好食。椒盐鱿鱼头除咗打边炉嘅配料，呢度都有好多款小食拣，我就点咗最爱嘅鱿鱼。即叫即炸，外层嘅炸粉够薄够脆，中间嘅鱿鱼爽弹，椒盐咸香惹味。