影片
更多
2021-04-23
1603 浏览
用白板Marker写Happy Anniversary 喺甜品碟ge 餐厅你见过未？真系好感激你地比左我一个咁“难忘“又充满”惊喜”ge周年纪念啊~4月14号系我地六周年纪念日，听闻呢度有间几好ge餐厅所以马上openrice book位，当时已经注明因为系周年纪念所以希望尽量安排窗口位，订座后冇几耐有负责人马上call我同我讲因为餐厅冇呢d帮客人预留窗口海景位ge服务所以只能尽量帮我地安排，另外当日可以提供帮我地order ge甜品写上“Happy 6th Anniversary” ge服务，不过要加$20，冇所谓啦，都希望另一半见到开心，有惊喜姐。4月14号夜晚到左餐厅，夜色几靓，不过平日餐厅唔系太多人都抱有希望可以坐窗口位，不过侍应话安排唔到哦，唔紧要啦~ 我地又唔系食海景，我地食晚餐架嘛！小事无碍我地ge兴致。见到餐牌有一个特色On Board Signature Set Dinner好吸引，于是就叫左2 set，不过因为我地两个对set dinner餐牌上ge甜品冇咩太大兴趣（得杂莓冰粉配黑糖浆/歌剧院蛋糕），所以想问可唔可以转主餐牌上同价钱（$58）ge甜品，因为我想食焦糖
4月14号系我地六周年纪念日，听闻呢度有间几好ge餐厅所以马上openrice book位，当时已经注明因为系周年纪念所以希望尽量安排窗口位，订座后冇几耐有负责人马上call我同我讲因为餐厅冇呢d帮客人预留窗口海景位ge服务所以只能尽量帮我地安排，另外当日可以提供帮我地order ge甜品写上“Happy 6th Anniversary” ge服务，不过要加$20，冇所谓啦，都希望另一半见到开心，有惊喜姐。
4月14号夜晚到左餐厅，夜色几靓，不过平日餐厅唔系太多人都抱有希望可以坐窗口位，不过侍应话安排唔到哦，唔紧要啦~ 我地又唔系食海景，我地食晚餐架嘛！小事无碍我地ge兴致。
见到餐牌有一个特色On Board Signature Set Dinner好吸引，于是就叫左2 set，不过因为我地两个对set dinner餐牌上ge甜品冇咩太大兴趣（得杂莓冰粉配黑糖浆/歌剧院蛋糕），所以想问可唔可以转主餐牌上同价钱（$58）ge甜品，因为我想食焦糖布丁，另一半钟意食芝士蛋糕，我地完全唔介意加钱换，另外因为我地expect紧可以同写有“Happy 6th Anniversary” ge 甜品影相所以都想换一d自己钟意ge野。可惜侍应话唔得，不过侍应话安排唔到哦，唔紧要啦~ 歌剧院蛋糕都应该唔会太难食ge，将就下啦完全冇问题！
前菜：
餐包x2
西班牙八爪鱼尼斯沙律配蜜糖柚子醋x1 / 法式水耕西洋菜汤 x1
虽然叫左两个set，但我地一向钟意share，所以叫左一个沙律一个汤
自问我好钟意食酸野，都好钟意沙律加醋，但呢个八爪鱼沙律ge酸味真系闻所未闻见所未见，酸到喇喉好惊喜！可能一般蜜糖都系润喉所以呢个蜜糖柚子醋酸到喇喉，果然与众不同！
而西洋菜汤同沙律完全相反，可能厨师明白我地食完沙律之后一定觉得太刺激所以菜汤非常清淡有益而且带住淡淡洗菜水味，不愧是水耕，只系个前菜已经完全体现厨师ge点点心意，好开心！
主菜：
慢煮法国鹅肝野菌酿鹌鹑配砵酒汁 x1 / 三文鱼慕斯龙脷鱼柳卷配海胆牛油汁 x1
今次系我第一次食酿鹌鹑，同样带比我无限惊喜！非常浓味ge鹅肝野菌酿入麻雀虽小五脏俱全ge鹌鹑入面，高贵而咸香十足、令你想不停饮水ge鹅肝野菌完全盖过冰鲜鹌鹑ge鲜味，伴著阵阵雪味，用$338食ge高级 set dinner居然食到平时快餐店ge低级雪鸡味，真系好难忘，一定要试，绝对推介！
而另一半叫左三文鱼龙脷柳卷，其他唔讲都一定要好评下个海胆牛油汁，唔睇翻个餐牌都唔知原来系用海胆呢d高级食材，除了怪味之外真系食唔出用左海胆，不得不赞厨师居然有用一种食材可以煮出其他味道ge 能力，好厉害！
甜品：
歌剧院蛋糕 x2
重点来了！期待左成晚ge甜品，真系好想睇下要加$20写ge碟有几靓！果然，前菜主菜都系过眼云烟，当用红色Marker写上“Happy 6th Anniversary” ge蛋糕送到我地面前，真系好！震！撼！可能我地之前去过ge餐厅一般都系用朱古力写字、或者加朱古力牌，呢间餐厅居然用写白板ge 可擦式Marker写碟真系好意外！当我地以为餐厅ge朱古力缺货所以要收我地$20去买朱，不过见到隔离枱对情侣ge甜品上面居然有朱古力牌，好神奇！莫非块牌比左隔离枱所以我地只配用唔食得甚至食左会中毒ge红色Marker写碟？唔紧要啦，冇朱古力可能就唔会收我地Extra Charge XD
更神奇ge事情一浪接一浪，话晒都系anniversary，影相好正常，d侍应见我地忙于影相，眼望望都无动于衷；但隔离枱对情侣一上甜品就即刻问需唔需要帮忙影相，可能隔离枱对情侣比较似情侣所以态度完全唔同，哈哈 😊
当我地随便影几张就开始食蛋糕，食到一半就有侍应询问需唔需要帮忙影相，可能想记录我地已经将蛋糕食得七七八八ge模样，或者帮我地影低我地有几享受食Marker ge滋味，非常体贴！
之前我地入座果阵话安排唔到窗口位，唔紧要，但当我地食到一半居然见到侍应安排另一对已经坐低ge情侣转位去海景位，都系果句，可能其他情侣比较似情侣挂？
直到埋单果阵先惊吓，餐厅收左我地$20，单上写住”Choco Sheet”，我地好奇一问，咦？我地ge蛋糕上冇任何朱古力牌/冇用朱古力写碟点解要收$20？侍应回应话因为朱古力牌太细，冇位写“Happy 6th Anniversary”太长ge字，至于点解要用唔食得ge Marker写，侍应冇回应，只系急急忙比翻张信用卡我地，然后拿拿声将收据攞走唔再比我地睇，哦。
PS. 果晚食完一直冇食野，翻到屋企，半夜我足足呕左两次，相信应该系高级鹅肝鹌鹑ge后劲。$338一个set dinner买自己辛苦，值得嘉许！
没有对比没有伤害，由食物到Marker写甜品碟到海景位ge各种差别待遇，到翻屋企半夜呕到七彩，今次经历真系令我好难忘！多谢Towngas Avenue 比左一个咁充满惊喜ge Happy Anniversary我地！
张贴
