影片
更多
2020-02-27
45 浏览
最近疫情严重，如非必要都系唔好出咁多街，不过朋友都系要见嘅，间唔中见一次好啦。我哋就拣咗喺铜锣湾嘅Fashion walk，铺头呢度有室内同室外嘅空间啊，帮手将啲客人分流，而且店员亦都会好用心咁样安排客人隔枱坐，亦都附上消毒湿纸巾，食嘢食之前再清洁多一次咁就够晒干净啦。我哋嗌左四个嘢食加一支手工啤：明太子玉子烧，炸芝士角，寿喜烧牛肉乌冬，炭烧亲子丼同埋一个抹茶红豆布甸。手工啤我哋就拣咗来自纽西兰嘅Apple crumble。两款小食都够晒开胃，首先个玉子烧够晒大嚿入面包住明太子非常之多馅，黎到嘅时候已经帮我地切开咗，啲馅流晒出嚟够晒吸引。玉子只唔会太鞋，食落口又甜甜地而且够滑。炸芝士个就最钟意佢配嘅𠮶一个酱料。新鲜滚热辣啱啱好咋好就拎上嚟，正。两个煮食都好快就送到上嚟，寿喜烧牛肉乌冬嘅汤底非常之浓郁，配埋乌冬同牛肉一齐放入口，令到牛肉嘅味道更加丰富。但系我都系比较钟意食另一个亲子丼，比起传统只系得蛋同埋鸡肉，佢另外在放咗野菌，够晒丰富，而且鸡肉非常多汁，每一啖饭都有好多汤汁，配埋𩠌唔经唔觉好快就食完啦，非常之开胃。抹茶布甸抹茶味好香浓，配埋红豆，唔会话甜到阿妈都唔认得，布甸亦都比较硬身
我哋就拣咗喺铜锣湾嘅Fashion walk，铺头呢度有室内同室外嘅空间啊，帮手将啲客人分流，而且店员亦都会好用心咁样安排客人隔枱坐，亦都附上消毒湿纸巾，食嘢食之前再清洁多一次咁就够晒干净啦。
我哋嗌左四个嘢食加一支手工啤：明太子玉子烧，炸芝士角，寿喜烧牛肉乌冬，炭烧亲子丼同埋一个抹茶红豆布甸。手工啤我哋就拣咗来自纽西兰嘅Apple crumble。
两款小食都够晒开胃，首先个玉子烧够晒大嚿入面包住明太子非常之多馅，黎到嘅时候已经帮我地切开咗，啲馅流晒出嚟够晒吸引。玉子只唔会太鞋，食落口又甜甜地而且够滑。炸芝士个就最钟意佢配嘅𠮶一个酱料。新鲜滚热辣啱啱好咋好就拎上嚟，正。
两个煮食都好快就送到上嚟，寿喜烧牛肉乌冬嘅汤底非常之浓郁，配埋乌冬同牛肉一齐放入口，令到牛肉嘅味道更加丰富。但系我都系比较钟意食另一个亲子丼，比起传统只系得蛋同埋鸡肉，佢另外在放咗野菌，够晒丰富，而且鸡肉非常多汁，每一啖饭都有好多汤汁，配埋𩠌唔经唔觉好快就食完啦，非常之开胃。
抹茶布甸抹茶味好香浓，配埋红豆，唔会话甜到阿妈都唔认得，布甸亦都比较硬身，唔会软林林，一笔落去就烂晒。面头仲搭配左忌廉增加口感。
Apple crumble手工啤绝对有5**，有好香浓嘅苹果香味，而且我觉得有一阵阵淡淡的木头香，有一下合埋眼我以为自己身处一间木屋度添啊。就算唔钟意饮酒嘅朋友，都可以试吓由呢一款开始，因为容易入口又唔重酒味，十分之推介。
张贴
