戶井北海道米比薩 (已結業)

琴日同ka ho去沙田行街街，dinner谂著去新城市广场7楼𠮶间 Fish & Co，点知执咗lu......见到喱间北海道米比萨好多人，又未食过，仲好似新开张，所以试吓la。好彩等咗约20 mins就有位。舖名北海道米比萨，当然要试米比萨喇！喱度除咗米比萨，仲有沙律、意粉、天妇罗 & 甜品。 1) 和风粟米薯饼 ($28.8)我平时好钟意食薯饼，见到有得食，即叫。都o.k.嘅，但略微多油咗啲 & 粟米唔够多。2) 和风蟹条带子意大利粉 ($75.8) 都几好味，我好钟意食蕃茄汁意粉！份量一般大，意粉爽口，啲𩠌都够多，唔错！3) 鳗鱼米比萨 ($85.8) 饼底由饭制成，够香脆，唔会太多油，馅料好足。由于用饭制成饼底，会好饱肚。都几特别，要试吓！ 由于已经好饱，所以试唔到甜品，佢有好多甜品拣，如巧克力圣代 、宇治金时刨冰、巨峰提子冰管等等。喱啲都系麻布茶房食过，唔知喱间好唔好味呢？下次试吓先......不过，喱间舖实在太细，座位唔多，唔系太适合大班人坐低倾偈。