八海山

营业中

休息中

听闻呢间餐厅系老字号，于是我就约咗朋友一起请到餐厅吃饭。一入去到个环境感觉好亲切有啲似日本嘅居酒屋，有古色古香嘅感觉，环境舒服，令人轻松。我哋嗌咗一个𩽾𩾌鱼干，有啲似食咗个咸蛋黄嘅感觉。个配汁酸酸甜甜，加上青瓜嘅配搭，感觉令人开胃。另外我哋嗌咗一个杂锦鱼生拼盘，包括三文鱼、油甘鱼、马粪海胆等嘅鱼生，食材鲜甜可口、厚度适中、新鲜。尤其海胆肥美鲜甜，值得推介。我哋亦都嗌咗一个黑椒汁烧帆立贝，黑椒汁味道浓郁可口，帆立贝本身质感嫩滑、口感丰富。另外雪菜炒饭偏咸却可口，带出炒饭的「镬气」。我个人认为值得重点推介嘅系呢个鸡泡鱼干，佢比一般坊间食到嘅鸡泡鱼干更加浓郁入味，质感亦比一般嘅软绵，非常容易入口。总括而言今次用餐嘅体验良好，有著去到日本老字号用餐嘅感觉。餐牌选择多元，味道不错。