賞茶 (康怡廣場北座)

营业中

休息中

好好食，本身以为只会系普普通通无咩特别既糖水，点知比预期中既好食。听人讲佢d野饮几好饮，下次会试埋佢d野饮。红豆芋圆仙草冻 $26🌟🌟🌟🌟🌟成碗都好足料，比好多红豆同仙草，芋圆就无数一碗有几多粒，约莫十粒到。佢芋圆有三只款，有蕃薯，芋头，重有一只系白色既，我都唔太知系咩味。芋圆都好Q弹，红豆都系用糖水去煲出黎，所以都好甜，佢仙草就比较特别，平时食开既都会系有阵甘同少少苦既味道，但系佢首先系甜既，最后先会带少少甘味出黎。粉粿芋圆仙草冻 $29🌟🌟🌟🌟🌟成碗都系好足料，比好多。芋圆同仙草头先就讲左啦，就讲粉粿啦。本身唔知粉粿系d咩，以为系同芋圆差不多既野，点知原来唔同既，佢比我感觉有d似蒴饼，颜色啡黄，带少少透明，比仙草甜少少，几好食既。Ps 两碗比较会中意食红豆多d，可能因为我中意食红豆啦。同红豆果碗会比较甜少少，如果中意无禁甜既，可以拣粉粿果碗。