味川酸菜魚 (已結業)

见到评价几好 ， 专程走来看看。 真系值回票价，小店亲自经营，𩠌菜好用心做，服务好好。👍🏻酸菜鱼真系冇得输 ， 叫咗个标准size for两个人食 $188。因为有小朋友，老板话分一碗清汤嘅鱼畀小朋友，我怕有骨。老板话语冇骨而且好滑 。酸菜鱼个汤底系用鸡淆制，冇味精。畀小朋友食得好放心 。用咗鲈鱼， 唔腥，冇骨，好滑。 个汤底真心正，叫咗小辣唔算好辣，但食到尾有少少麻。 虽然叫酸菜鱼但汤底唔算酸，反而有种清甜，食完之后唔会觉得口干，我相信系冇加味精。 配料系乜都有，大豆芽， 木耳，青瓜 ，莲藕 ，薯粉， 金菇，莴笋 等等..... 配料份量唔多，但胜在乜都有。 唔够饱 ，再点咗个黄金软壳蟹 。👍🏻 黄金软壳蟹$115。 重蛋黄味，唔会过咸，炸得非常脆， 唔会成口油 ，好干脆 。而且软壳蟹好厚肉，口感好，非常推介。加两杯饮品，小店冇加一 ，埋单$337。一定会再回头，希望小店质素可以保持住。因为有心做嘅小店酸菜鱼唔多。